ANTIBIOTIKO NATURALAK
Antibiotiko naturalak aipatzen ditugunean gure defentsa immunitarioak (“zomorro beldurgarri” horien aurka egiten dutenak, bakteria eta birusen aurka, alegia) indartzen laguntzen diguten eta gainera bakterioen aurkako eta birusen aurkako ekintzaren bat egiten duten elikagaiez ari gara
Zeregin horretan elikagai multzo hau nabarmentzen da:
- Tipula
- Baratxuria
- Jengibrea
- Ekinazea
- Eguzki-ihintza
- Propolia
- Eztia
- Limoia, pomeloa
- Erromeroa
- Erregaliza
EZTI ETA TIPULA JARABEAREN ERREZETA (ezin hobea eztulerako eta eztarriko ondoezerako):
- Tipula gorri pare bat eta eztia behar dugu (erromero-eztia bada, hobe)
- Ontzi batean xerratan moztutako tipula geruza bat jarriko dugu eta gainean ezti geruza bat (erromero-eztia bada, hobe), beste tipula geruza bat eta beste ezti geruza bat, tipula guztiak amaitu arte. Ontzia estali eta hamabi orduz utziko dugu.
Emaitza: tipula-zaporerik ez duen jarabe leuna, eztulerako ezin hobea.