DIETA FLEXITERIANOA
Dieta horri “begetariano malgua” ere dei diezaiokegu; horren oinarrizko elikadura arrautza-esneki-begetarianoa da, eta zerealak, lekaleak, barazkiak eta ortuariak, fruitu lehorrak, haziak eta abar ditu oinarri. Tarteka, arraina edo haragia jan ditzake inolako arazorik gabe ospakizunen bat, etxetik kanpo edo beste norbaiten etxean egin beharreko otordua dela eta.
Ez dira begetarianotzat hartzen, baina haien elikaduran ia ez da arrainik edo haragirik izaten; % 90ean, haien elikadura arrautza-esneki-begetarianoa da.
Haragiaren eta arrainaren kontsumoa gutxitzen denez, gaixotasun kardiobaskularrak jasateko arriskua gutxitu egiten da, kolesterolaren kontrol hobea izaten dute eta, gainera, berotegi-efektuko gasen igorpena pixka bat gutxitzen laguntzen dute, dieta omniboroarekin ez bezala, haragiaren kontsumoa mugatu egiten dutelako.
GOSARIA:
- 1. aukera: kafea edari begetalen batekin, olo-malutekin eta mahaspasekin,
- 2. aukera: fruta jogurtarekin edo kefirrarekin, zereal batzuk eta ogi txigortua oliba-olioarekin.
ORDUZ KANPO:
- Fruta
- Gazta freskoa
- Jogurta eta fruitu lehor batzuk
- Ogi txigortua tahiniarekin
- Ogi txigortua ahuakate eta tomatearekin
BAZKARIAK:
- Astelehena: dilistak bihi osoko arrozarekin eta ziazerbekin
- Asteartea: pistoa sesamo-haziekin, eta hanburgesa begetalak eta batata plantxan.
- Asteazkena: pasta salteatuta tofu eta soja-saltsarekin
- Osteguna: babarrunak kinoarekin eta errukula-entsalada piperrekin eta ernamuinduekin
- Ostirala: entsalada letxuga, ardi-mihi, piper, kiwi, kalabaza-pipita eta ernamuinduekin, eta zainzuri zuri eta berdeen tortilla.
- Larunbata: kinoa barazki- eta tofu-salteatuarekin. Barazki-zopa.
- Igandea: entsalada letxuga, zainzuri, orburu, tipuleta, ahuakate eta sagarrarekin. Arrain urdina labean edo plantxan.
Astean behin arraina jango dugu (sasoikoa hobe, galdetu arrandegian), hobe urdina (antxoak, txitxarroa, berdela, itsas potxua… orain garairik onenean daude) eta txikia (merkurio-ehuneko txikiagoa du), edo ekitaldiren bat edo irtenaldi gastronomikoren bat egokituz gero, ez uko egin arraina edo haragia jateko aukerari (hobe hegaztia eta ekologikoa).
AFARIAK:
- Astelehena: barazki-salteatuak eta seitana plantxan.
- Asteartea: ilarrak salteatuta tipulatxarekin eta arrautza eskalfatu parearekin.
- Asteazkena: barazki-zopa artatxikiarekin eta ogi txigortua ahuakatearekin eta gazta freskoarekin
- Osteguna: hummusa eta entsalada endibia, soja-kimu eta fruitu lehorrekin.
- Ostirala: ogi txigortua "escalibada”rekin (alberjinia, piperrak, tipula labean) eta antxoekin.
- Larunbata: barazkiak lurrunetan oliba-olio gordin pixka batekin eta sesamo- eta txia-haziekin, atzetik tortilla soila perrexil edo azalorearekin, brokoliarekin, kuatxoekin…
- Igandea: barazki-purea ilarrekin eta gazta freskoa albahakarekin
Adibide gisa jarritako dieta da, dieta egin nahi denean aditu batengana jo behar da eta hark dieta pertsonalizatua jarri behar dizu…
