SUPER AMARA

1- LARANJAK.

A probitamina, C bitamina, magnesio, potasio, kaltzio eta zuntz asko dute.

Beti aleak osorik kontsumitzea komeni da; izan ere, bere indize gluzemikoa baxua da eta, horrenbestez, odolean glukosa-balioak egonkor mantentzen ditu. Harrigarria izan daiteke entsaladetarako osagarri original gisa.

2- ONDDOAK.

Bere zapore berezia “Umami” gisa defini daiteke; japonieraz zapore gozoa esan nahi du. Onddoak ahoan oso elikagai goxoak dira, eta sukaldaritzan, aldiz, erabilera askokoak.

Mineral (selenioa, potasioa eta fosforoa) eta A eta B bitamina asko dituzte (batez ere, B2, B3, B9) eta D bitaminaren aitzindariak dira.

3- MANGOA.

Bitamina eta mineraletan oso aberatsa da fruta hau eta bereziki nabarmendu beharrekoa da C bitaminaren presentzia.

Antioxidatzaile horrek kolagenoa eratzen laguntzen du eta, gainera, magnesio ugari du (sistema immunitarioa hobetzeko gaitasuna du, besteak beste).  Ur eta zuntz asko du.

4- BABARRUN BELTZAK.

Balio biologiko askoko proteinen, bitaminen (besteak beste, B6 bitamina), mineralen (burdina, adibidez) eta zuntz disolbagarriaren eta disolbaezinaren iturri bikaina da.

Bere elikadura-ezaugarriak direla eta, beste elikagai batzuekin elkartuta, dieta begetarianoa edo beganoa duten pertsonen elikadura-oinarrian egon behar du.

5- MAHATSA.

Ezaugarri antioxidatzaile bikainak ditu eta gaixotasun degeneratiboak prebenitzeko lagungarria da (batez ere C bitamina asko duelako). Gainera, magnesioaren iturri bikaina da. Mineral hori ona da hezurretarako eta, gainera, antsietatea eta insomnioa prebenitzeko eta tratatzeko lagungarria da.

6- PAPAIA HANDIA.

A eta C bitaminan oso oso aberatsa da (laranjak baino C bitamina gehiago du) eta, gainera, papaina izeneko entzima bati esker, digeritzeko oso erraza da.

Neurri handiko fruten zaporea txikiena baino zertxobait gozoagoa eta suabeagoa da. Limoi-tanta batzuk gehituz gero, zaporea areagotu egiten da.

7- UDAREA.

Ur eduki handia du (% 80) eta, horri esker, digeritzeko oso erraza da. Zuntz eta potasio asko du eta horrek arteria-presioa eta/edo likidoen erretentzioa kontrolatzen laguntzen du.

8- GAZTAINAK.

Asebetetzeko botere handia, indize gluzemiko ertaina eta energia-ekarpen jarraitua dituenez, kirolarientzako elikagai bikaina da.

Inulinan, hesteetako mikrobiotaren nutriente gisa baliagarria den prebiotikoan, aberatsa da.

Bikaina da neska-mutilek otordu nagusien artean mokadutxo bat egiteko eraman dezaten!

9- ENDIBIA.

Zapore mingots arina du eta bereziki nabarmendu beharrekoa da kumarina eta laktuzina ugari dituela. Hanturaren aurkako botere handia du eta bikaina da artritisa edo hezueria izanez gero. Gainera, zuntz eta potasio asko du.

10- MIHILUA.

Digestioa errazten du, aerofagia eta meteorismoaren aurka lagungarria da eta sabelaldeko hantura gutxitzen du.

“Haizeak” eragiten dituzten elikagaiei mihilu pixka bat gehitzea gomendatzen da (barazki eta egoskarietan, adibidez).

Entsaladetan, pixka bat gehitzeko aukera dugu, ukitu anisatua emateko.

11- APIOA.

Aroma bereizgarria du. Ur (% 92) eta zuntz kantitate handia dituenez, oso barazki asebetegarria da eta balio kaloriko txikia du. Ondorioz, ezin hobea da argaltzeko dieta hipokalorikoetarako.

12- KLEMENTINA.

Zitrikoek oro har bezala, C bitamina asko du eta bereziki esanguratsua da bere azido foliko kantitatea (edo B9 bitamina). Horren ekarpen osagarria gomendagarria da haurdunaldian malformazio fetalak saihesteko.

13- TXIRIMOIA.

Asko gizentzen duelako ospe txarra duen arren, fruta honen dentsitate energetikoa (pisua kontuan hartuta duen energia kantitatea) baxua da. Ondorioz, argaltzeko dietetan arazorik gabe kontsumi daitekeen elikagaia da (dieta-jarraibide onak mantenduz gero).

Oso zapore gozoa du eta “gozoa jatearekin” lotutako antsietatea ekiditeko bikaina da.

14- MIZPIRA.

Zuntz gehien duen frutetako bat da eta, horrenbestez, idorreria erregulatzeko eta kolesterol-balioak kontrolatzen laguntzeko bikaina da. Gainera, burdin asko duenez, anemia ferropenikoak tratatzeko oso fruta gomendagarria da.

15- KUMATO TOMATEA.

Tomate barietate horrek A eta C bitaminaren eta potasioaren eta magnesioaren balio handiak ditu. Tomate gorriak baino zapore gozoagoa du eta tonu gorri iluneko kolore marroi hori (eta zaporea) bere fruktosa edukiari esker du.

Propietate antioxidatzaile bikainak ditu.

16- TOMATE URDINA.

Flabonoideen taldeko antozianina presentzia handiari esker hartzen du kolore urdin-morea tomate honek. Gaitasun antioxidatzaile handia du eta, horrenbestez, gaixotasun degeneratiboak prebenitzeko lagungarria da.