ZER DA B12 BITAMINA?
B12 bitaminari kobalamina edo zianokobalamina ere deitzen zaio. Hidrosolublea da (uretan disolbatzen da) eta soberakina gernuaren bidez iraizten da. Oso garrantzitsua da proteinak sortzeko, nerbio-sistema zentrala mantentzeko eta hematieak sortzeko.
Bitamina hori animalia-jatorriko proteinetan topa dezakegu: abelburuen eta hegaztien haragian, gibelean, arrautzetan, esnekietan eta itsaskietan.
Honako hauek eragin ditzake B12 bitaminaren urritasunak:
- Anemia megaloblastikoa (ohikoak baino handiagoak diren globulu gorrien aitzindariak).
- Pisua galtzea.
- Oreka galtzea.
- Beso eta hanketan gogordura edo inurridura.
- Ahultasuna.
- Nahasmena… besteak beste.
Urritasun hori hesteetako gaixotasunak (Crohn, zeliakia…) dituzten pertsonengan, hesteetako kirurgia izan dutenengan eta elikadura beganoa duten pertsonengan sor daiteke. Azken horiek, beganoek, B12 bitaminaren kanpoko ekarpena egin behar dute; izan ere, haien dietan ez da animalia-jatorriko elikagairik izaten.