ZER DA DIETA MAKROBIOTIKOA?
Japonian sortu zen eta helburua elikaduraren bitartez oreka fisiko eta emozionala lortzea zen. Dieta mota honek bi taldetan banatzen ditu elikagaiak:
- Yang: Elikagaien “energia” beroa, bizigarria eta uzkurgarria. Adibidez, zerealak, lekaleak, arraina, haragia, gatza, barazki-erroak, alkohola…
- Yin: Energia hotza denean, sakabanatzailea eta ahulgarria. Adibidez: eztia, azukrea, esnekiak, fruta (bereziki tropikalak: platanoa, mangoa, kiwia, papaia, anana…), barazkiak (patatak, alberjinia, tomatea eta erremolatxa)…
Bi elikagai talde horien arteko oreka energetikoa lortu nahi da.
- Zereal integralak eguneko elikagaien % 50 dira: arroza, artatxikia, garia, oloa, garagarra, kuskusa, zekalea, gari sarrazenoa eta artoa.
- Lekaleek eguneko elikagaien % 15 hartu behar dute.
- Barazkiak eta ortuariak beti eltzekoan hartzen dira eta elikagaien % 25 izaten dira.
- Miso zopa eta temphea egunero hartzen dira.
- Frutak: orokorrean egosita eta lehotuta hartzen dira.
- Edariak edo likidoak: beti bazkarien ondoren, baina bitartean behin ere ez.
- Egokienak hiru urteko tea (Bancha tea edo kukicha tea) eta zerealen kafea dira. Ura edanez gero, epela hobesten da.
- Animalia-proteinak: arrain zuria astean bitan hartzen da gehienez eta haragia saihesten da.
- Eta gainera beste zenbait elikagai zehatz gehitzen dira: algak, umeboshia, kuzua…
Elikadura-adituen arabera, proteina eta bitaminen defizita gerta liteke.
Hona hemen dieta makrobiotikoaren adibidea:
- Gosaria: Arroz integral krema (bost orduz egosia) kanela, mahaspasa eta Bancha teaz lagundua.
- Bazkaria: barazki egosiak (kalabaza eta tipula) eta zerealak (artatxikia, arroza…) eta lekaleak edo seitan-a. Postretarako sagar-konpota kanelarekin.
- Afaria: miso zopa eta zereal pixka batez lagundutako barazki erregosiak (artatxikia, kinoa, arroz integrala).